السلام عليكم

حكمة، وصورة، ... وشكل جديد
بس شكل أكيد جميل..مبروك

نعم تبدأ المأساة الحقيقية حين تفتقد الأسرة عرى التحاور مع أبنائها وكأن عينيه الأولى والتى من المفترض أن يبصر من خلالها الحياة من حوله، أغمضت فلا هى تراه ولا هى تريه
تحياتى
السلام عليكم

 

وعليكم السلام ورحمة الله وبركاته اوله واخره

صباح الخير يا اسلام
الله يبارك فيك

لو ليك ملاحظات قولها انا بشتغل على التصميم دلوقتي
:):)

وبالنسبة للحكمة
خذلان الاهل قاتل ، أيًا كانت اسبابه ودوافعه ، وفعلا حكمة تعلمتها من الحياة

يمينك تساعد شمالك
لا شىء يحتويك غيرك
حتى الاقربون بالدم


تحياتي لك

 

من خذلته أسرته ... لم تأت من الأباعد نصرته

تصميم جميل ولكنى أفضل الأزرق
حكمة رائعة وصورة أروع

الفتاة جميلة .. ولكنى توقفت على لون الخدود بها إحمرار رائع يدل على صمت رهيب

جلال الرفاعى

 

صباح الخير يا جلال

انا كمان بعشق اللون الأزرق
بس حاسه ان التصميم ده قريب لروحي بالفترة دي


اهو كل تصميم مصاحب لحالة مزاجية .. اصل انا بعتبر البلوج ده بيتى .. لازم اغير في شكلة وارتبه كل فترة عشان ميجليش ملل
ما علينا


الصورة كمان عجبتنى
عارف اللى عجبنى فيها ايه
انها منطقتش ولا طلبت المساعدة
الا لما شقوا عن فمها لقوها بتطلب مين يساعدها بس وهى صامته وخدودها كلها خجل وعيونها كلها رجاء .


لكن الحكمة تفسر الحالة



تحياتى يا غالي

 

نيرفانا

اول مرة اعدى على البلوج بتاعك
بس بجد البلوج مختلف تماما عن اى بلوج عديت عليه قبل كده

لوحة فنيه احساسها عالى قوى تنبض بالحياة

تتعدى حدود شاشة الكمبيوتر المحدودة لتخرج مجسمة تملأ الفراغ المحيط بى

بجد انتى ربنا مدييلك موهبة كبيرة قوى

 

ياريت نقدر نتعلم من خبرات وفلسفة الاخرين
تحياتي

 

مساء الخير يا نرفانا


مشاء الله المدونه حكايه

وانتي وكلماتك حكايه تانيه

ماشاء الله

مدونتك مختلفه تمام عن اي مدونه تانيه

انا حسيت بالشياكه في كل شيء حتي الكلمات

بجد ماشاء الله

رائعه

انا ضفتك عندي علشان في اي وقت اعدي عليكي ان شاء الله

تحياتي ليكي

 

Mirage

تسلم على المجاملة والمرور

نورتني وشرفتنى بزيارتك

لو محتاج /ه اى خدمة بالنسبة للبلوجر بتاعك قول/ ي ولا يهمك /ي

انا تحت امرك / ي


تحياتى

 

sendbad

يا ريت يا سندباد

اهو الدنيا بتعلم


تحياتى

 

gohayna



نورتيني حبيبتي

مبسوطه انها عجبتك .. اتفضليها لو تحبي والله ما تغلى عليك ِ


يشرفنى اضافتك
وزيارتك المستمرة



تحياتى

 

تفتكرى مين السبب..؟؟

الأب والأم...؟؟

ولا الجدود اللى اكيد هما كمان خذلوا اولادهم..وعشان كدة اولادهم بدورهم خذلوا اولادهم

تحت بند فاقد الشىء لا يعطيه


مين السبب..؟؟

والداء ده...اختيار..ولا وراثة..؟؟


اول مرة ليا فى مدونتك الجميلة

واكيد مش الأخيرة

 

Van Gogh

صباح الخير

نورتنى اولا

ثانيًا اعتقد مع اختلاف كل حالة من حالات الخذلان على حسب ظروفها
الموضوع بيرجع اولا لتركيب الشخصية

وبما ان سلوك الانسان يتكون على مدار عمره من مجموعة من الافعال الشرطية المتسلسلة والتى بدورها تكون عادات
وحاصل جمع العادات يكون الشخصية


فالخطأ بالنسبة لكل حالة مردودة لسوء فى تكوين شخصيتها اولا واخيرا

وده طبعا بيرجع لاكثر من سبب
منهم سوء التربية الاولية من الاجداد
ومنهم صعوبة الفرد نفسه على التكيف السليم

كمان منهم طريقة واسلوب فهمه وادراكه للواقع وطريقة واسلوب فهمه وتقديره لاحتياجات الاخر

وده طبعا بيختلف من فرد للتانى على حسب طبيعة بنية شخصيته وموروثاته اللى اكتسبها

كمان مننساش عامل التعرية الزمنى ذو الاثر الهدمى على الشخصية

يعنى الظروف اللى ممكن تغير العالم المثقف الذكى فى تفكيره وتصرفاته لانسان غير متزن

والظروف دى بتكون ضاغطة

المثل او الحكمة مش مضمونها المشكلة التربوية فى حد ذاتها

قد ما مضمونها ان اللى يهون على اهله اللى هم اقرب الناس له مينتظرش حاجه من الغريب


فهمتنى


اعتذر على الاطالة
اصلى فطرت والبطارية عمرانه


:):):)

 

العزيزة نيرفانا
كالمعتاد
عندما اجد تعليق جديد عندى
بارد الزياره عشان اتعرف اكتر على الشخصيه الجديده
عموما انا مابقاليش كتير فى التدوين النهارده شهر بالظبط
الله يبارك فيك
مش انت قلت مبروك برضه:)
اللى فهمته ان ده شكل و تصميم جديد
بجد جميل جدا جدا
ناعم قوى
والمقوله اللى انت كاتباها مؤلمه
انا ما مريتش بالاحساس ده على المستوى الشخصى
بس اكيد شىء فظيع ان اقرب الناس ليا يتخللوا عنى
مبروك يا قمر على الشكل الجديد المميز
تحياتى

 

loumi

صباح الخير حبيبتى

نورتينى وشرفتينى
وشكرا على الرد الجميل

وربنا ما يأمر عليك ِ بإحساس المقولة



ايامك سعادة ان شاء الله



على فكرة
انا مقلتش مبروك

قلت الف مبروك

:):):)

 

nirvana

صباح الفل

الفكرة ان الأهل ممكن يخلوا اولادهم بأكتر من طريقة

لو معندهمش غير القسوة كأسلوب تعبير عن الحب...بيقوا خذلوهم

لو مفتقدين الحنية اللى ممكن تهون حاجات كتير على اولادهم..يبقوا خذلوهم

لو مقدروش يقدمولهم معنى واضح وصريح
للخير..والشر..للأمانة..والحق...للصح والغلط

لو بأى صورة قدموا للمجتمع ابناء مش متوازنين نفسياً...يبقوا خذلوا اولادهم وخذلوا المجتمع

الظروف والبيئة والاحداث وكتير غيرهم مش اكتر من شماعات بيعلق عليها الأباء اخطائهم..حتى احنا بنتلمس العذر ليهم

على اساس ان دايما وعند اى انسان
حرامى ان كان او فنان...ابوه وامه دول احسن اب وام

فى فقر...وفى فقرا تعاستهم بسبب الفلوس وفى افقر منهم واسعد بكتير

فى اغنية..وفى ناس الفلوس جننتهم وكانت السبب ورا ضياع اولادهم..وفى اغنية طبيعيين..وفى قمة التوازن

وزى الفقر والغنى..الجهل والعلم..وكل الظروف التانية

اسف انى طولت

بس حبيت استغل انك لسه شاحنة..وبينى وبينك انا كمان لسه مخلص فطارى

تحياتى
وخليكى بالجو

 

كلامك وتعليقك جميل جدًا

وبمناسبة انك لسه شاحن

ارفع ايدك للسما وادعيلى دعوتين حلوين

عندى امتحان بكره ومطنشة مش عايزة اذاكر



اصلى بطارية النوم فارغه

تفتكر بئا بمنظرى ده

( مين هيخذل مين )

:):)


بص وراك بسرعه بس متنخضش

 

لأول مرة

أستمتع بدخولي لعالم المدونات

إستمتعت

رؤية

وكلمة

واستماع


هذه هي زيارتي الأولي لك يا نيرفانا

ولكنها

لن تكون الأخيره

 

السلام عليكم ..

انت شلت البوست الى قبل كدة

همم

وغيرت فى الشكل خالص
ممتاز ....

يارب تكونى بخير يا نيرفانا ...

انا بختلف معاكى اصلا

انا مش بنتظر احد فلن ياتى احد

 

اولا انا سعيد اني جيت البلوج بتاعك
ثانياً تصميم جذاب اوي وتحفة يعني

ثالثاً بخصوص الموضوع
فعلا الموضوع ده بجد
اول لما الاسره تبدأ تشيل ايديها من الحوار مع الابناء
الابناء حيدخلوا مدونات
ومنتديات
وشات
ووووو
ويلاقوا كتير يتحاوروا معاهم
لكن ساعتها بيكون الحوار من غير رقيب
والمعلومة اللي بتيجي مغلوطة بتكون اكثر بكتير من المعلومة اللي بتيجي صحيحة
للأسف يعني

ودعوة حلوة من مدونتك للحوار الاسري
بس الاول الاسره تتجمع مع بعض على وقت الغداء الاول
وياخدوا على انهم يكونوا مع بعض
وقتها الحوار الاسري حيزيد اوي

 

السلام عليكم
نيرفانا:
فى الحقيقة ان التصميم جميل جدا، حاسس إنه حالم قوى، ويمكن دى صفة فى كل تصميماتك، بس التصميم ده حاسس إنه أكتر رومانسية
عامة مليش تعليقات دلوقتى هستنى اما يكمل التصميم
شكرا على الاهتمام
السلام عليكم

 

الحكمة جميلة ، لكن متهيألي انها مش دايما صح .. أحيانا النصرة ما بتجيش من الأهل وبتيجي من بره بل على العكس كمان ده ممكن تيجي من ناس ما تتوقعيش انها تيجي منهم خالص

وهانروح بعيد ليه ؟؟


الرسول عليه الصلاة والسلام .. في ناس من أهله خذلوه .. والمدينة نصروه

ومعظم الأنبياء

احنا طبعا بعيد قوي عنهم ... لكن في بشر عاديين برضه كانوا كده

 

وهل تخذل الاسره ابنائها الا اذا كانت ضعيفه متهالكه اصابها الرعب والجمها الخوف وفقدت المروءه واضاعت النخوة

هل لو كانت الاسرة قوية ومتحده وعزيزة وواتقة من النصر اكانت تخاذلت او تهاوت او خذلت او انبطحت

الوصول لبداية الطريق اصعب الف مره من السير فيه

 

Aldenya
مبسوطة انك / ى تمتعتوا بصفحتى
منورنى دايما

ـــــــــــــــــ


.:.- ELGaZaLy-=-.:. ...


وعليكم السلام ورحمة الله وبركاته
انا شلت اكثر من بوست
زى متقول عملية تغيير
حفظتهم درافت لحد ما انسقهم بصورة افضل
لانى بحب الترتيب

انا بخير
اطمن

لكن من ايه قلقان ؟

ــــــــــــــــ

زحل الفلكي

وانا سعيدة بزيارتك واتمنى ان اللى تطلبه يتحقق

ــــــــــــــــ

islam

اسلام يا اسلام
اينعم كل تصميماتى لها طابع خاص
بس والله تقريبا التصميم خلصان
هى غلطة واحدة فى البانر وهتتصلح ان شاء الله

نورتنى وشكرا على رايك يا سكر

ـــــــــــــــ


darsh

احنا فين والانبياء فين
كمان هى مش قاعدة عامة
واكيد لكل قاعدة شواذ

تحياتى لك


ــــــــــــــ


harmless

عندك حق
بس فى بعض الاحيان تكون الاسرة قوية وسعيدة ومتماسكة وفى لحظة من اللحظات تفقد تماسكها وكانها كانت تختبىء هشة تحت صوره من الفضيلة


تحياتى لكم جميعا



وادعوا لى

عندى امتحان الصبح

 

بجد لازم اعلق
المدونة جميلة جدا جدا
احييكي فعلا
ممكن من أروع المدونات تصميما لو مكانتش احسنها
أما الكلمة
...
لا أدر لماذا أستشعر أنه قد تأت من الأباعد النصرة في بعض الأحيان
لعلها تجربة سابقة
لكني أعتقد أن الأسرة ليست كل شيء في مجتمع لم يعد يقدر أي شيء
صورة غير عادية كمان
سلام

 

AbdElRaHmaN Ayyash

وبجد سعيدة بتعليقك

شكرا لك ذوقك وردك اللطيف

وجهة النظر تختلف من تجربة لتجربة


اتمنالك السعادة


تحياتى

 

شكرا على المرور ,وتعليقك الرقيق
نورتى البلوج عندى.واحب اشوفك دايما
فعلا المشكله فى الاسره سواء كانت مغيبه او غير موجوده
ودايما الضحيه طفل هيكون شاب مريض نفسيا او مجرم
تحياتى

 

نيرفانا

مبررررررررروك المدونة ـ التصميم حلو والذوق عالى ـ كالمعتاد منك ـ اسف على التاخير ـ ويارب دايما تكونى فى احسن حال ـ سعيد بعودتك وانشاء الله تستمرى ـ مجهود تشكرى علية وحرافية عالية ـ تخلينى اسمى مدونتى ـ مدونة كحيانة ـ تحياتى

 

KOKKO
نورتينى حبيبتى بالزيارة
سعيدة بمرورك واتمنى يتكرر



تحياتى

 

Gid-Do - جدو


جدو الحبيب
متتصورش فرحتى بمرورك وتعليقك
اتمنى انك تكون فى احسن صحة واحسن صورة

ربنا ميحرمنى منك ولا من ردك الحلو
بالنسبة لمدونتك سميها دنيا جميله
المدونة مش بشكلها قد ما هى بمحتواها
كفاية ان حضرتك منورها


وبالنسبة للشكل
وعد منى لو حضرتك متمانعش
نشتغل على تصميم سوا


اتمنالك الخير كله

تحياتى

 

أحييك علي هذه المدونة الفنية الرائعة

 

للأسف لما العرب نسيوا الحكمة دي- اللي أظن كانت مقولة عمر بن الخطاب- حصل اللي حصل من أول حرب الخليج الأولى لغاية سقوط العراق

و الأباعد بقم منورينا في الصالون خلاص

صورة جميلة و تصميم جميل

قريت في ردودك إن عندك إمتحان..عملتي إيه؟

بالتوفيق
زي

 

الصورة رائعه
الحكمة بليغة

 

أشرف حمدي

وانا اشكرك على مرورك

 

Xee


ربك كريم .. بكره تتعدل

وبالنسبة لامتحانى

تمام الحمد لله .. اديت فى المادة كويس


عندى امتحان يوم السبت الجاى

دعواتكم



وتسلم على مرورك

 

ادم المصري


ومرورك اروع



كن سعيدًا

 

زى بالضبط الىل يقول لمراته يا عوره يلعبوا بيها الكوره

بس المشكله ان طول عمر زمار الحى لا يطرب ، والشيخ البعيد سره باتع

 

نيرفانا
اباءكم واولادكم لا تدرون ايهم اقرب لكم نفعا
قللى الصور شوية
محدش عارف الخير هيأتى على يد من؟؟

 

لم ولا لن ؟

 

اهلا نيرفانا
المدونه في شكلها الجديد رائعه
مبروك
البوست الماضي ليه لغتيه؟
مكنش سيء علشان تلغيه!!!!عموما انا اعجبني جدا الشكل الجديد للمدونه
تحياتي

 

Mohamed A. Ghaffar

عندك حق

 

الطائر الحزين


كله فى علم الله عزيزي

عن اى صور تتكلم

الصور اللى بالمدونة تقصد ؟

 

أحدهم



مشكور على التصحيح


لكن اعتقد المقولة كده صحيحة


تحياتى

 

ذو النون المصري


مساء الخير عزيزي

الله يبارك فيك

انا ملغيتوش

انا حفظته هو كام بوست لحد ما ارتب شكلهم شوية

هرجعهم تانى ان شاء الله


تحياتى لكم جميعا

 

مرة اخرى رد ل أحدهم


هى " لم "

لان لن نفى وتأكيد

وهناك إحتمالية

فغستخدام لم اصح


والله اعلم على راى الشيخ سيد احلام

:):):)

 

انا اول مره اجي هنا

بس بجد بجد مدونتك ملهاش حل

و حلوه قوي فكرة حكمه و صوره دي

تحياتي

 

•«ρяoιd»•™


صباح الخير

واتمنى انها متكونش اخر مرة


نورتنى

 

سلامو عاليكو؛ اسف علي التاخير شوية في التعليق (حوال سنة) عن بقية الاخوة بس في الحقيقة في صديق نصحني بقراءة المدونة وهي عجبتني جدا وتصميمها كويس . بصراحة دي اول مرة ازور مدونة .المهم الموضوع دة يهمني جدا وانا تقريبا عايش فيه كا يوم وكنت فاكر اني لما ابعد عن اهلي هرتاح بس نفس المشكلةلسة موجودة .المهم باختصار انا متاكد انهم غلطو في حقي بس مش عارف ساعات بسامحهم واقول منين هيجيبو الحكمة في التعامل مع الاطفال مين الي هيعلمهم يعني؟ ما هما ربو العيال زي ما مخهم اقدرهم علي العموم انا هاكمل بعدين اصل الموضوع طويا وانا مش اعارف اكتب عنه ازاي اصل دي اول مرة اكتب عني